مابيعرفنيش محمد فؤاد

مبيعرفنيش غير لما الدنيا بتيجى عليه
مبيعرفنيش غير لما الايام تجرح فيه
طول عمرى معاه على الدنيا يا قلبى وعلى الايام
ضحتله كتير ولا عمرى فى مره ضحيت بيه
مبيعرفنيش غير لما بس يحس بخوف
يرجعلى اوام مكسوف قال يعنى وش كسوف
لا ده اللى يعيش فى الدنيا يا قلبى ياما يشوف
ناس مش بتقدر مهما عشانهم نعمل ايه
الي استحملته كتير وفى وقت الشده انا شلته
الي استحملته ياما على حساب نفسى جاملته
اعمل ايه تانى معاه اكتر من اللى عملته
بإيده انا ضعت وليه دلوقتى حليت فى عنيه

كان قلبى على نياته معاه مبيحسبهاش
وده كان فى القسوه وكان فى الغدر ميتوصاش
ده الواحد اد معاش فى حاجات بتعدى عليه
ومحدش كده فى الدنيا بيتعلم ببلاش
دى غريبه الدنيا وغريب حال البنى ادمين
ليه الغاليين بيبانوا فى الاخر مش غاليين
معقول فى ناس عشان نفسها غيرها يموت
وفى ناس بتموت وتعيش غيرها ناس تانيين
الي استحملته كتير وفى وقت الشده انا شلته
الي استحملته ياما على حساب نفسى جاملته
اعمل ايه تانى معاه اكتر من اللى عملته
بإيده انا ضعت وليه دلوقتى حليت فى عنيه

مبيعرفنيش غير لما بس يحس بخوف
يرجعلى اوام مكسوف قال يعنى وش كسوف
لا ده اللى يعيش فى الدنيا يا قلبى ياما يشوف
ناس مش بتقدر مهما عشانهم نعمل ايه
الي استحملته كتير وفى وقت الشده انا شلته
الي استحملته ياما على حساب نفسى جاملته
اعمل ايه تانى معاه اكتر من اللى عملته
بإيده انا ضعت وليه دلوقتى حليت فى عنيه